فهد المخلفي//محمد العجي

فهد عواضه=
يامرحبا واليل ياليل ياليل=كلن يبدي ياجماعه علومه
يامعرضن قلبك لصلف الغرابيل=والمشكله عيت تردا عزومه
محمد العجي=
دام البقاء والسيف والرمح والخيل=كلن يبى يحظربها في لزومه
الميل ما نرضا عليكم يجي ميل=ياقلبه اللي زايداتن همومه
فهد عواضه=
ماقلت لك بان الليال المقابيل=تبدي الخفا للي ينومس سلومه
للحين وانت تخيل برق المخاييل=يبر ويرجع في ضميرك ثلومه
محمد العجي=
خلك مع العالم وغن المواويل =كلن على قده نفصل هدومه
اشتال حملك قايم بحمله شعيل =واللي يلومك ياعسا الله يلومه
فهد عواضه=
انا بدوي دايم يحب التعاليل=والنفس دوم لمشتهها قدومه
مرضي عليه الغربله والبهاذيل=ولارضى حدن يسقيقك طاسه سمومه
محمد العجي=
انا على نهج الرجال المشاكيل=والناس فيهم منعطا ومحرومه
البهذله لقليلين المحاصيل=شوف السماء واختر حدا من نجومه
فهد عواضه=
حنا تراا نكشف كنين الرياجيل=قدام فعله في في حكاه ورسومه
البهذله خلفك تدق التطابيل=لو صايبك عن بوح الاسرار زومه
محمد العجي=
لا خير باللي يطرد القال والقيل=دايم على الاصحاب مكثر وهومه
من طبعكم ماتتركون التهاويل=ما هي غريبه صاحبه من خصومه