حظ سامي الجااااااااابر

والله يابــوتـركـي لـو الـحظ يــــنباع = لـــبيع حظي واشتري حظ سامي
واقـــر بالبـيعه وبصـــــم بالاصــباع=ودفـــــع له اللي طالبه بالتمامي
واسلـــــمه حــظ لـه العـز ماطــــــاع=حظ عليه النــحس ختمه وشامي
حــظ كواه الوقــت حامـي بـــمرقـــاع=وفـــطر عليه الذل عقب الصيامي
لا قـــام طـاح وقـال مربـاي بالقــــاع=تكفـى تراها ما تساعد عظــــامي
كسري مظـــاعف وأنت للعـز طماع=حـــر وأنا ياحــر فــرخ النعــامـي
هـــديت حيـلي يابو نــــــايف بلا داع=تســوقني للــموت حكـمك عدامـي
مليــت منـك وحـربـــــنا للمـلا ذاع=بعنـي وابلقــــاء من يحقق مرامي
ودور تـرانا مانسـاوى بالا طبــاع =لا تــيئس الدنيـا زهــاب وطعــامي
قلــت الوعتد مابين شاري وبياع =لو جبت ربــع أريــال ماهو حرامي
أخذت حظــي قلـــت بالـضيق فزاع =ياشــاري الطـــيب صــديقن حزامي
قالوا وصـــوفه ماتبـــشر الأسناع=وجهــه كريهـــن خــل عــنك الكلامي
تكفى خــذه وجهه لــلارزاق قطــاع =ما شـــيف مثله من ثمــانين عامي
رجعـــت انا ويـــاه للهـــرج منصـاع=وغليــــص كــن مقلــدينه وســـامي
تفلت في وجهه وقــال اقلب الصاع =واقرا وش المــكتوب خل الملامي
رحت وقريت اللي زرع في الاوجاع=مكــتوب لا تــتعب لقاء الحظ سامي