قصيده للشاعر سعد عبيدالله القصيري

هذه القصيدة تهنئه للأخ مشعل بن غالب الزيمي المطيري بمناسبة افتتاح قاعة الفرسان للأفراح

يا ليــلةٍ فـيها اجـمل الـشـعـر يـــــنـقـال = نـفـحـات مـن شـوق الـفـؤاد وحـنيـنه
اقطف زهر وورود من زيــن الاشكال = و قـــدمـه للحفــل ومشـــاهــد ينــــــه
حـفل المطيـري طـيــب الحظ والـفــال = اللى على الطــوالات طالـت يميـــنه
اليا لفيت مـطـير تـلفـى عــلى رجـــال = عادتهـــم الـفـــــزه وذبــح السمينــه
ياهــل البـيـوت اللـى لها في وظـــلال = ويفوح مـنهــا الــورد والياســمينـــه
صـديـقـكـم يـلـقى الــمعـزه و الاقـبــال = مـــــا كـــنـــه فـي كنــف و الــديــنـه
وعــدوكــم يــلـقى المصايب والاهـوال = مــالـه عــلـى الــدنـيـا قـرار وسـكينه
يا مـطــير مــن مبطي غــلاكم ولازال = تـبقـى الــصـداقة والــعـلاقه مـتـيـنه
جـــيـــنا وخلـيـنا الــــوازم والاشغــال = نـهـنـي الــزيـمـي عسـى الله يـعـيـنه
باحلا الـقصور اللى لـهـا الـقلب مـيال = قامــت بـعـون الله على سـاعـديـنــه
يا قـاعـة الـفـرسـان مـهــره وخـيـــال = يـسـتاهـــلـك مشـعــل وتـستـاهـلـيـنه
بذل لك المجهود مع غـالــي الـــمــال = وشـيـدك تشييد الحصون الحصيــنه
بـمــواصـفـاتٍ كــلــها عـالي الـعـــال = ليـن اكــتـسـيـتـي زيـنةٍ فـوق زيـنـــه
حتى وقــفــتي وقـفةٍ تطـــرب البـــال = لاهل الــبلــد والضيــف تــستقــبليـنه
مـثل الهنوف اللى تـبــخــتر وتـخـتال = ام الـخـدود الــصافــيات الــحســيـنه
بـــــعـيونها ما تــــــنظر الا للرجــال = اللى غـــلاهــا مـــثل قـــلبه وعيـــنه
اللي كساها احلا الفسـاتـين والشــــال = التــــاج صاغـــه شاعـرٍ من مـزيـنه
اللي لهـــــم دورٍ حقيقــي وفـــعـــــال = مـــع النبـي المصطفى با المدينـــــه
حنا اهل البرده واهل زيـــن الامـثـال = بانـــــت ســعـاد وجــــايزتها الثمينه
تـصدرت شعر العرب عــبر الاجيال = ماكــنــــها الا غــرةٍ فـي جبـــــــينه
وربعـي قبيلة حـرب ماضين الافعال = تاريخـــنا كـل الـــــعـرب عارفـينـه
حـــرب الحرايـب مدبـة كـل عـــيال = حتى يـموت من الـقهـــــر والـغـبينه
والازمــنه تشـهد على واقـع الحــال = تخبرك وين فـلان وفـلان ويـــنـــــه
ولنا امـكنه ووسوم ورسوم واطـلال = من الساحل الغربي الى اطراف لينه
ولنــا مرابـع نــجـد مرتـع ومــدهال = ووادي الرمه بأيمـــننا محـــتمـينـــه
يفرح بنا الـمـضــيوم لاحــده الجال = والـمـعدم اللي خاليــــــــاتٍ يدينــــه
اللي زبـنا زابــــنٍ لــه علـى اجبـال = انخلـص المطلوب مـن طــــالـبـينـه
هداتـنا تـشـفي ومداتـنــا اجــــــزال = وفزعــاتنا تـفـرح قــلــوبٍ حــــزينه
غـيـثٍ اليا مـنـه وطـا وادىٍ ســــال = ونــصـرٍ يـبـشــر با الـفـرج محترينه
وهـذى فعايــلنا جديــدات واسمـال = لــــو يزعلون اهل الحسد والضغينه
وكـل العرب فيهم مشـاهير وابطال = أشبـــــال من ذاك الاســــد وعرينـه
اللى لـهـم في قـمة الـمـجد مـنــزال = يـستاهـــلـــــون النعـم ومحصـــلينـه
يـدعـا الفتـى باصلـه ومـرباه قـتال = والفضل في عـــلمـه وحـلمـه وديـنه

سبق وان شاركة بمقطع من القصيدة ولكن الشاعر ابوفهد طلب ان اشارك با القصيدة كاملة