الشاعر العلم / نايف بن زابن المعمري الحربي رحمه الله

مساكم الله بالخير ياحرب ياربعي
هذه احدى قصائد الشاعر العلم / نايف بن زابن المعمري
رحمه الله رحمه واسعه واسكنه فيح جناته

الى ضاق بالي من هموم لفنه=تنشف شفاتي ثم يابس لساني
لو اشرب النهرين ماليننه=وجميع ماطب البلد من دهاني
الموت في دار المحبين جنه=والا بدار البغض مالي مكاني
ياعلي ياروح الجسد والمضنه=يافزعتي من دون قاصي وداني
قم سو فنجالً تخيرت بنه=من صافي البن النضيف اليماني
كنه اليا ذوب على النار كنه=صبغة حمار الورد والزعفراني
فنجال عن هطل الاذاني تمنه=وتصفط دواه لمطلقين اليماني
كنه اليا من الشفايا رشفنه=شيء يرش الكبد لاجل اللياني
يشفق عليه مورده من مغنه=واللي من الصالب يعوم اعوماني
اليا عج ريحه في خشومه وكنه=اول مايصرخ صقرقه بالاذاني
عطنيه يوم ان الجروح طلبنه=بأذوق لذات السعد في زماني
وياخوي لادقيت بالنجر دنه=دنه يالين انه يهرج اهرجاني
دنه يالين اسباعه المستكنه=تجيك مع صوته تعدي اعدياني
دنه بالاول ثم زيده وثنه=لاترحمه ياشوق صاف الثماني
خله يدل اللي يحبون فنه=اليا سيروا يبغون راعي الاواني
والزن خله ينسدح عند زنه=يكفيني اللي من ربوعي نصاني