وراع الشرف ماهمه أهل الخساسه =راقي بفكره عارف لقدر ماسه

أسعد الله مسائكم بكل خير
"
"
"
إليكم هذه القصيدة وهي نتاج مناقشة مع بعض الأخوة
"
"
أرجو أن تنال القبول والرضى

يالله ياخالق سحاب الجنوبي =ومصرفه لاهب نسم الهبوبي
يرعد ويبرق ثم يمطر صبوبي =فالشام..سبحانك على كل الأقدار
فواز بن محسن تهيض وغنا =غنى على المسحوب والليل جنا
من بعد ميزت الكلام المقنا = أفتيك من عرفي وللقول بيطار
يامن نشدني عن كلام البجاحه =والقذف فالأعراض وقول الوقاحه
نجزيه بالمكيال ولا بسماحه =والمرجله ماهي أشانيب وأهذار
الله يحاسب كل عبد بما قال =واللي قذف مسلم ببهتان الأقوال
عليه شرع الله قايم بما طال =ويحاسبه ربي على كل ماصار
منهو تكلم مع دجاجه يكوكي =واللي يكلم كلب بالنبح يحكي
واللي سكت عنهم على الناس يشكي =خل الشكى لله وأسرجلك أنوار
أنظر بعين العقل وعين الدراية =ولا تتبع دوروب الردى والغواية
خل النذل فالوحل راع الوشاية =وأرقى بنفسك والمعالي لها أكدار
وراع السفه نعطيه وحدة وثنتين =والثالث تجزيه جن الشياطين
نوقفه بالحد والعرف و الدين =واللي عفا وأصلح له الخير مدرار
وراع الشرف ماهمه أهل الخساسه =راقي بفكره عارف لقدر ماسه
ولا الردي لناس باين نحاسه =والمرجله ماهي سواليف وأخبار
المرجله فالدين وحسن العباده=وحفظ الكلام اللي يجيب النقاده
وحسن الخلق تاج وسام وقلاده =نظمت منطوقي وغنيت الأفكار