( فخ الهوى) إلى الشاعر مضحي بن جمران

/
/
/
/
/
/
/
/
/
/
/

دخلت لي سوق ٍ من الناس محشود=مالي على شوف المزايين نيه
قابلت لي مخلوق مافيه منقود=صدفه وساقت كامل الزين ليه
اللي جبينه كنه البرق بنود=العقل جنب الزين جاته سويه
زين ٍ عطاه الله ماهو بمحدود=من شافها ماقال ذي يعربيه
الله حرم زينه على فرس وهنود=اهل الخدود الصافيات النقيه
ساعة لمحت الموت بعيونه السود=وراع الهوى وان مات مافيه ديه
اللي جديله فوق الامتان مكدود=قال الوعد وياك وقت المسيه
لكن لقيت الضلم ضلّيت محسود=حبه يوردني حياض المنيه
والضلم قد حرّم من ايام الاخدود=بايات ربك حاتنا عن نبيه
راعيه لو يهنى فلابد مقرود=يلقى نهايه ماتجيله هنيه
واللي ضلمني خاطري منه ملهود=له يوم يامضحي يدور عليه
يبغى رضايه مير مايخرج بفود=حيثه حرمني منوتي بالبريه
واللي كتابه ساعة الفجر مشهود=ماشفت يامضحي مع الناس زيه
حبه حكمني حكم صياد لفهود=مالي على فخ الهوى مقدريه

الشاعر / خالد بن عبيد بن معتوق ألأحمدي