ترى الاوادم في وطنها سعدها

بسم الله الرحمن الرحيم
السلام عليكم ورحمة الله وبركاته

ياهاجرين الدار رحتم فالا بعاد=تركتم الاوطان وانتم جهدها
الدار مثل الام وانتم لها اولاد=والام تبكي حين تفقد ولدها
تبكي على اللي غاب عن دار الا جداد=منكر طفوله عاشها في مهدها
ان كان غيبتكم تدورون الا سعاد=ترى الا وادم في وطنها سعدها
وان كان غيبتكم ورى العيش والزاد=نعمة وطنكم كل وافد وجدها
وان كان غيبتكم ورى علم مافاد=نفس اتصرف فالعقول وجسدها
مشهاة نفس وبعدها غير الا نكاد=من بعد لذتها حصيدك نكدها
الله حكيم وحط للعبد مرصاد=حدد جزا الا صلاح ولا فسدها
عودو على دارن بها الخير منقاد=نعمه من الخلاق تبغى حمدها
لو جا جفاف وجدب ماعنه مشراد=ترى الحبال يحلها اللي عقدها
انتم لجدانن بنو ذخر واحفاد=وانظر لسيرة والدك واعتمدها
مايهجر الا وطان ياغير جحاد= للنعمه اللي من بلاده حصدها
الدار نادت واسالت وين الاوتاد=غيباتكم طالت ويش اللي بعدها
وداعي وطنكم حق ماعنه مقعاد= والحر يعرف غيها من رشدها
في داركم حكم الشريعه والا رشاد=وانتم جنود الدار وانتم سندها
حكامها رمز العداله والا مجاد=هم خيمة الا وطان وانتم عمدها
حكام تبذل للوطن كل الا مداد=مهما كتبنا ماحصينا مددها
باعيش في داري وحبي لها زاد= واللي يحب الخير داري قصدها
عن واجب الا وطان مافيه مرقاد=اليا دعت جينا لها في وعدها
حقن علينا نحتمي دار الا جواد= نعمي عيون الحاسد اللي حسدها
وصلاة ربي عد ماعد عداد=اعداد مهما قلت ماحصي عددها
على النبي والال والصحب ترداد=لازم نرددها ونكثر رددها

وسلامتكم