مرثية في الشيخ : طويلع بن رشيد بن زيد العلوي الحربي رحمه الله تعالى

قصيدة الشاعر : حميد حميد الحافي الرويتعي
مرثية في الشيخ : طويلع بن رشيد بن زيد العلوي الحربي رحمه الله تعالى

دنيا لها صوله معــانا وجـــــولات =ولايقدر الأنســـان غير الشماته
كلٍ يقـــول ويتــهــمهــا بــنكبات =من خلقت الأنسان حتى وفاتــه
تضحك بيوم وباقي الوقت روغات =ماتستمـر ايامنــا فـي ثبـــاتـــه
الله يجملني على صوغ الأبــيات =اللي بها حس القصيد وطراتـــه
من أفكار راسي باتنقاء الجزيلات =مرثيةٍ في صاحبي من غلاتـــه
مرحوم ياراع الوفاء والمــــــروات =مرحوم ياشيخاً نبيله اســــجاته
عساك ياطويلع مخلــــد بجنــات =فب جنة الفردوس باعلا إدرجاته
يغفرلك الوالي بديع السمــاوات =الخالق اللي كلنا فــــي رجـــاته
الموت حق ولايــفيد التنهـــــات =كلٍ يجيه الموت باخــر حيــــاتـــه
بعض الرجال يهــز قلــبك ليا مات=وبعض الرجال يعز ربعه مـماتـــه
تبكي على منصاء الرياجيل زافات =من يقضي اللازم وهذي مناتـه
ويصبر على جور الليال المشيحات =في ساعتاً مايملك ألا عباتــه
ماهو بعبداً للذهــــــب والريــالات =ماعيبه فقره وطيبـــه غناتــــه
المرجلة نخوة وفزعة وهقـــــوات =كل المراجل حاش منهـــا كفاته
له فزعتاًً تشفي كبودٍ عليــــــلات=ابو محمد من يســـــوي سواته
حراً شهر فوق الجبـال المنيفـــات=النادر اللي مانحصل إحـــلاتـــه
له هامتاً ترقا على كــــل هامات =فوق السحاب اللي هبوبه اقفاته
حربي جمع كل الخصــال النبيلات =كل الخصال الطيبة من صفاتــــه
وانجب عيالٍ صورتاً منه وصــفات =عياله اللي دركــــولــه وصــاتــــه
سيوف في وقت اللوازم صقيـلات=من ساس زيد اللي عطيبه هواته
طيور الهدد من ماكر الحر لاجــات =يخضع لها طير القطاء لو جاتــــه
مرحوم ياراع الوفاء والمــــــروات =مرحوم ياشيخاً نبيله إســــجاته
وعلى رسول الله مني صــلاوات=على الرسول اللي نصلي صلاته