محاوره في قمة الروعه

سلام ردية وفا تزمي كما موج البحـر =وليا زما موج البحر ماكل واحد يسبحه
الشجرة اللي ضلها ضلل ومليانه تمـر =أشوف تركي مابغى من تمرها لو ابلحة
يامرحبا والليله المعنى على سطح القمـر =وحنا سوات البحر لكنَ البحر من ينطحـه
حنا غرسنا الشجره الى ضللت فوق البشر=يالتاجر الى رأس مالك مكسبك لوتربحـه
أنت تواعدني ولا شفناك جيت من السفر=تقول أنا شاعر ولا شفتك تهز المسبحه
غرستو الشجرة وجيناها وقطعنا الثمـر=والعلم الآخر ياعميلي ما بغينا نشرحـه
انا وعدتك والوعد مازال واصبر وانتظر=الزند وقت القدح في راس الفتيله نقدحه
علمك طبيعي مير يبقى بيننا وجهة نظر=حذرا تجاوز حدك الي راسمه لاتشقحه
أنا انتضرتك مار ياتركي نفذ كل الصبـر=إليا متى وأنته تحت راسك فراش ومطرحة
العلم الاول مانسيته لايضيق إبك الصـدر=نبا نطق الباب يـا ليـن المعـزب يفتحـة
ابلشتنا واشغلتنا لكن بعطيـك الخبـر=انا الياجيتك توقع دورتك بالمروحـه
الساحر اللي تالي الايام يعمل بالسحر=انته تذمه يامحمـد والاوادم تمدحـه
اللي رجوله حافيه لعلها تاطى الجمر=النار لوتحرق ثيابه ماوراها مصلحـه
الساحر اللي صارتاجرذابحه قبل الفقر=ماني محمد كان ماخليه يقلب مشلحـه
ياللي تشيل البندقيه والجنـازه بالقبـر=ياكبرها ياعبرها كان الهدف ماتطرحه
المشكله بالكافر اللي مايتوب عن الكفر=شيب عقول الناس ليتك يامحمد تنصحه
لاتقرب البندق ترى كل الذخيرة بالكمـر=والحمد الله لابسين الأوسمة والأو شحـة
لاتلتفت للكافر اللي يتبع إبليـس العـور=أفلح ياتركي طال عمرك مع رجال مفلحة
الكاس عندي والنتيجة ستة امقابـل صفـر=هاذي خلاصه والسوالف لاتشرشح شرشحة
مادامها وصلت على ماقيل لاحـد الخطـر=إنكان تقـدر تذبحـة بالله عجـل وإذبحـة

وسلامتكم