من الارشيف..كيف صارت منك

السنافي بين الاجواد ثابت مستواه=ماتزعزع قدره الكلمه اللي تقتفيه
والردي للناس لابد مايكشف رداه=لو ميه رجال لامن تقفا تحتميه
والغضب تبرير للرجل من صادر خطاه=الغضب دايم على طايش الهرج يحديه
والعذر حبل التسامح ومن يفرض علاه=ولاعتذر ياجعل ربي يقص له يديه
ولايرد العذر دندون دام العذر جاه=مايرده بالرياجيل ياغير السفيه
زبده الفلم الذي صار لو شد انتباه=ازملانا وخويانا وماهو محتويه
من بدايه فلمنا لين تاصل منتهاه=دارجن من بين الاجواد طلقين الوجيه
غير شي يعيب الرجل يامال الغناه=مارضيبه سلم والدين برضه مارضيه
من على شب المشاكل تحكم به هواه=وهتوا ذنب النميمه وصارت تهتويه
لايحسب ان ماوشاله يبا يكسب رضاه=من عليه الله سخط يسخط عباده عليه
النميمه منت صانع بها صيت وجاه=ماوراها غير تهديم للي تبتنيه
وانت عمرك ضعف عمري وقرب من مداه=وشنبك فلا به الشيب شوف الشيب فيه
كيف صارت منك والشيب دقنك قد كساه=واخسارت شيبك اللي بوجهك مكتسيه
الوكاد الفلم وضعه طبيعي محتواه=مايعذرب بين الاجواد طلقين الوجيه
مايعذرب غير فعلتك يامال الغناه=النميمه ماهوا ذنبها غير السفيه