ياناعس الطرف والخدين منشوره = فيها عروق الدما بالحسن تسْحرني

"
"
"
"
"
أسعد الله مسائكم بكل خير


أحبتي الأعزاء إليكم هذه الأبيات

التي أضعها بين يديكم

أرجوا أن تحوز على رضاكم واستحسانكم

الشمس تشرق ونور الصبح من نوره=محلا نسيم الصباح اللي يحركني
الجوري والفل والريحان وزهوره =تسلب فؤادي وعين الريم تذبحني
ياريم مال الخطى فالود محظوره=ماتدري إنك بشرع الود تحكمني
ياريم صرح الكبر لا تبتني سوره=ابني صروح الوصال إكنت تسمعني
ياناعس الطرف والخدين منشوره=فيها عروق الدما بالحسن تسْحرني
اكسور قلبي ترا باللطف مجبوره =والطب عندك ...واشوف اليوم تجرحني
جرحني البعد والأيام منظوره =في كل لحظه أقول الله يقربني
قلوب في بعدها بالحيل مسروره =وقلوب في بعدها دايم تعذبني
عذبتني يابديع العين والصوره=واحرقت قلبي ... طبيعي يوم تحرقني
هذي جزاتي ... وآلآم القلب مستوره=خلاص ! ... ناوي مابين الناس تفضحني ؟!
ماهمني قبلي العشاق مقبوره =لكن أبا اوصيك بعد الموت تذكرني

وللجميع خالص التقير