بشروا سكان غزة

مشكلة جتنا في غزة كلنا صحنا لها= قادها الغزو اليهودي يالعله للجحيم
واصمدوا سكان غزة واحتموها رجالها=والشهيد اللي قضى نحبه في جنات النعيم
وانجلت سود الليالي بعد هل هلالها= نور ابو متعب يلالي مايغطيه الغميم
ابشروا سكان غزة للحمول جمالها= مااحد غيره طال عمره صاحب العقل السليم
لاالتوت كل الحبال بحلها حلالها= ما احد غيره يرسم الخطة بخط مستقيم
مرحبا صقر العروبة مرحبا رجالها = انت كل الحل عندك يوم ضيعها الغشيم
مرحبا بك تجمع الامة وتصلح حالها= مرحبا بحضورك اللي يخزي ابليس الرجيم
يوم كل رز راسه قال انا خيالها =انت خيال الجواد الحر من عصر قديم
كل واحد قال انا عالم وهو لو قالها=يعرف ان الهرج ريض فوق ذي علم عليم
صاحب الحكمة وتهياله وهو يهيالها=بالصبر والحلم حل المشكلة هذا الحليم
بوم بعض الناس معروفة بكثر اقوالها=انت معروف(ن)يفعلك ايها الشهم الكريم
يوم قلنا شرهة الامة على عقالها= نعرف ان الحل عندك طال عمرك يالحكيم
الزعامة تاج عالي فوق روس جبالها=وانت متربع على راس الزعامة يالزعيم
طول عمرك والعلوم الطيبة تسعى لها=والمعونة لك يا ابو متعب من الله العظيم
ماحسبنا وانت معنا دقها واجلالها=رافعين الروس بوجودك ولانخشى الدحيم
عشت ترعى المملكة شيابها واعيالها=عد ماهل المطر واعداد ذعذاع النسيم