الشعر معنى كلامن تنشرحله صدور=ووش خانة الشاعر اللي مايصون الادب؟؟

السلام عليكم ورحمة الله وبركاته
ابيات من قصيده

من خلقت الناس والمخطي يصير معثور= اللي يبى يحرك الفتنه بليا سبب
والعاقل المحترم ماظن دمه يفور =الا من اللي عسى الله مايجيب الغضب
واللي حصل قرشعة جالون بقرون ثور=والثور معروف شأنه عند كل العرب
ماعنده الا لياضاقت عليه الامور=يم الحضيره مع الدرب الاخير انقلب
والشك مرفوع والعلم الصحيح مخبور=تاريخنا قبل مايطلع جديد النسب
اللي تلبس مع النعمه لباس الغرور=ويقول جدي وابوي مطوعين الصعب
والدبلجه بالسوالف ماتسوي طهور=للي من اول حياته فيه نسبة جرب
والله يستر عسى ماهي علامة دبور=يمعلم الجبس ياناقد خبير الذهب
وياهل القنوات لازم فيه نقطة عبور=مايسمح الا لرجالن يسد الطلب
ولايظهر الا حكيمن يستحق الظهور=الشعر ماهو على ماقيل مسرح طرب
الشعر معنى كلامن تنشرحله صدور=ووش خانة الشاعر اللي مايصون الادب؟؟