رجاءالله المحمدي ومسعد القصير الجهني

سلام لإبن نحيت وللجميع السلام=من شاعرٍ يأخذ الأسعار من سوقها
تعال يلي معك بندق وتلبس حزام=إشتالها مع غروب الشمس وشروقها
يامرحبا بالنيابة عن رفيع المقام=والثانية نوفي العربان بحقوقها
قمنا على صوت راع الصوت والحظ قام=نمشي على سطح الأرض وروسنا فوقها
دام البقاء وأنت وضعك معي ماهو تمام=وإن كان تبغى المرارة ذوقها ذوقها
قمتو على الأرض بالفتنة ثلاثين عام=مير الجنيهات محفوطة بصندوقها
حرام تنفخ على الحربي وذبحك حرام=ياشاعرٍ توعد الشعار وتبوقها
وإن جنبت عن حدود المزح والإحترام=والله غير ألزم الجهنان بحلوقها
ماعندكم يارجاءالله غير كثر الكلام=وأنا أعرف أهل الصحيح بحسب منطوقها
تعرف جهينة ليا صارالزعل والزحام=وأنته كما الحية اللي تفتح إشدوقها
محدٍ منزلك مابين اللحم والعظام=وأنته مشاغب تضر الناس وتعوقها
نعرف جهينة تهامية ديرهم تهام=حنا على خيلنا وهي على نوقها
ماني محاسبك يلي شلت بيض الحمام=يوم المخيلة عليكم تلعج أبروقها
ياجارنا أوصيك بالتقوى وحسن الختام=لاتقطع الشجرة الخضراء مع أعروقها
ماهو بمقبول منك الذم والإتهام=يلي تطير طيور الصيد بسبوقها
أنت القصير قصير لحرب في كل عام=ياليتك تعلق المشلح بمعلوقها
يحرم عليك الهنوف أم الحلق والزمام=مغيرأنا شوقها مغيرأنا شوقها
أنا القصير سوات النور وسط الظلام=وأنته تقود الذلول وباكر تسوقها
لاتلتفت للصبية ياقليل الرحام=تراك مجنون ماذوقك على ذوقها
أنت القصير ولاعندك شراب وطعام=عايش على خير مصر وخيرفاروقها