يابوش ياللي بان للناس قدره

يابوش ياللي بان للناس قدره=بالجزمة اللي غيَّرت بالمفاهيم
أنت شبيه الذيب مافيك دبرة=قدمت خدمة للدول وآلآقاليم
قدمت للي يعتبر فيك عبرة=ياليت غيرك يعتبر بالخواتيم
يامن حفر بيديه حفرة لقبره=وأكله من الحنظل وشربه مع الهيم
الكسر في المقدار أعياك جّبْره=وزميت من ضيق النسم بالمراسيم
صدَّرت مرسومك على زام صدره=وهزِّيت كرسيه وتمتم تماتيم
وكبَّل بأمره منتظر طال شبره=بيديه مع رجليه بين المظاليم
عزاه من يهدم بيمناه جدره=ولا يعتلي من لايعرف الملازيم
مدير مكتب بوش لاحتاس عذره=مافيه الا مايجي في التعاميم
ماعاد له مقدار من كثر هدره=ولايعرف العازم من اللي معازيم
رمز الشرف مطعون سكين غدرة=قدام عينه ما التفت يامسليم
والطامة كيف الحذاء مل صبره=ولبَّاسته يمشون حسب التعاليم ؟