بوح الدار

جيتوا بدونه
وين خليتوا حبيبي؟
ليه ما سيّر معاكم
عدت ثمان اعوام
ما شفت زوله
ولا وطتني أقدامه
وكل ما أسئلكم
تقولوا مريض ومسافر
عند بنته جلس له عام
وعند بكره جلس أعوام
وقلتم للطبيب يروح
يوم ويستريح ايام
ويعوّد يزوره يوم
ولكن يومكم هذا غريب أطوار؟
اشوف الكل فأحضاني
شباب وشيب
وأخوانه مع احفاده
ووجوه أجهل مشاربها
وسيّّدي ما هو بوسط القوم
أصدقوني القول
ليه الدمع رايتكم
ليه تنوح زوجاته
وبناته باللطم يحكون
ليه اولاده في حيره
وعمايمهم تغطي دقون
ليه يحضنكم من جاكم قبل ساعه
وليه من بات في ارضي قبل ليله
يعزي من رقد جنبه
ويعّظم اجر اولاده
رحل؟؟
مات وودع احبابه؟؟
أصدقوني القول في خلي,,,
ليه يالبشر ما تحكون
تحسبوني (عديم احساس)
انا في حضني
ربيته
وغطيته
انا كاتم اسراره
وكاتم سركم وياه
انا صنته وصنت اهله واولاده
انا فاليل اغطيكم عن عيون الناس
انا المأمن بعد مأمن من نسبح له
ياخساره,,,
ولكن قدّري ان اللي رحل
يعرف أحبابه,,
ويعرف اني أوفيته قبل كل البشر
وانتم يالبشر ما تحكون
تحسبوني (عديم أحساس)