( قناة الجزيره )

بثوا على الاعلام قصة غرامي = ياللي على اخبار الجزيره تبانون
جميل بن عازر مع أحمد وسامي = مع بنة قنّه لو سمحتوا تذيعون
خلوا جميع الناس تعرف هيامي = واللي درا يخبر به اللي مايدرون
ابغى وليف الروح يدري علامي = واهله بما يجري بحالي يعرفون
قولوا لهم حالي بعدكم عدامي = يمكن على قلب المولع يحنون
من بعدكم مثر علي جرح دامي = وجرح الهوى سقمه كما سقم طاعون
وآقلبي اللي صوبته السهامي = مافيه مثلي بالهوى صار مجنون
ماصاب عنتر فالسنين القدامي = ربع الذي في داخل القلب مكنون
اجر ونّاتي في ليل الضلامي = غديت كني بجر الآهات مفتون
يشهد على حالي طيور الحمامي = بعد الذي بامره امرهم يطيرون
وياهل الجزيره لاوصلكم كلامي = بثوا خبر عاجل على الناس تكفون

الشاعر/ خالد بن عبيد بن معتوق الأحمدي