. . . ( هـــــــــذا أنـــــــــــــا ) . . . لمن يهمه الأمر . . !!

مساءكم سكر :
.
.
كيبورديه . . بدايتها من المسودات في الجوال ونهايتها هنا . . وكانت ليله :
.
.
هذا انا . . !!
منك تعلمت العنا . . !!
عشقتك وهذا خطاي
وتركتك ومات الهنا ؟؟
وانتي مثل مانتي معي . . !!
لاقادره تتفهمين . . . !!
انك قتلتي مسمعي . .
وكل ماابتدى ليل السهر . .
جيتي تعيدين السؤال
. . . ( هل انا فعلا المنى ) . . . ؟؟
أيه المنى . . . !!
أيه المنى . . . !!
وأحلى كثير من المنى . . !!
.
/
.
هذا انا ...
نفس الملامح والحنين . .
وجهي . . حكايات السنين . . !!
صمتي . . بدايات الأنين . . !!
تتذكرين . . !!
وإلا نسيتي كل شي . . !!
أيام كنا أطفال . .
مشاغبين . . !!
تتذكرين . . !!
يوم أكتب أسمك بالخطا . .
كنت أحسب أنك تفهمين . . !!
إنه خطا . . !!
وإنتي نسيتها وقتها . .
ماتسألين . . !!
تتذكرين . . !!
لما رحلت ولابكيت . . !!
أخاف ياكل المنى . .
تتأثرين . . !!
.
/
.
هذا أنا . . !!
كل مانويت انسى الجراح . .
أصبح على جرح ٍ جديد ؟؟
كل ٍ بهاالدنيا استراح . .
إلا انا وقلبي العنيد ؟؟
يضمنا ذات التعب . . !!
حتى ولو مابه سبب . .
وانتي يااغلى الذكريات . .
ياحلم في قلبي يبات . . !!
حبك خذاني للبعيد . .
حتى عرفت إن الشعور . .
اللي جمعنا بيوم عيد . . !!
كان أقسى من ليل الوداع . .
أو الضياع . . !!
يمكن لإنه مستفيد . . !!
.
/
.
واليوم من بعد الغياب . . !!
جيتي تعيدين العذاب . . !!
إن كنتي أجمل فاتنه . .
ماعدت أنا ( زين الشباب ) . . !!
أحلامنا . . !!
ماتت على شاطي الرحيل . .
وأيامنا . .
ترجي حدوث المستحيل . . !!
ولو جيتي بنفس السؤال . .
وقلتي بعد مالحزن طال . . !!
من أنت . .
بأقول لك . .
بعد الغياب . . !!
شوفي عيوني المتعبه . . !!
عيوني . . تكفي لك جواب . . !!
.
.
منصور المعمري