بوح القلم

بين ذكريات الماضي ... واحزان الحاضر ..
تعجز الكلمات احيانا عن التعبير ...
ولكن
لا بد ان نترك للقلم حريه البوح .. بما يجول في الخاطر...




تغيب وتترك... الشوق... بقايا عاشـق هالـك
بايا جـرح ودمعـه ...وليـل مظلـم اركانـه

نسيت العهد والموعد .. وليتك ذكـرت ايمانـك
نسيت العمر الى افنيته وانا اضحي على شانـه

حسبتـك للعمـر خـل .. تبقالـي وابقـالـك
ورجعت بتالي سنينـي ... وحيـد راح خلانـه

رحلت وروحي بدت ترسم .. خطى حلك وترحالك
في برك والبحر والجو... تراهـا دوم هيمانـه

تبعتك عاشق ظميان ... من همومـي ابلجالـك
رجعت وقلبي المحروم ... يقود الشوق نيرانـه

انا جيتك من هجير الهم ..حسبت الفي بظلالـك
لقيت القيظ بدروبـك.. طريـق انـت عنوانـه

ببدل نظرتك فينـي.. واخلـي السهـر يحلالـك
ابي تضوي شموعك.. بليـل تسامـر احزانـه

ابيـك تنـزف الدمعـه.. وتنـدب ردى حالـك
وانا بطرب على صوتك ... واتمايل على الحانه

وفي الاخر ابيك تعود ...وتبي ذا القلب يصفالـك
وبقولك روح يا خوان .. حبك راحـت ازمانـه


لكم مني اجمل التحايا ...