محاورة بين الشاعرين / فلاح صياف السحيمي و حبيب العازمي

بالنيابه عن قبايل حرب والحفله واهلهـا = مرحبا واحلا الليالي ليلتأ طالـع قمرهـا
من يمد الطيبه يالعازمـي يبغـى بدلهـا = الكريم يعدهـا وان جـت لـوازم ذكرهـا
البقا لك والحمولـه مانقلهـا إلا جملهـا = والسنه هذي سنتها والشهر هذا شهرهـا
المطيه واقفه والياابركـت كيـف اتعقلهـا = لاتروح بالشداد اللي من اول في ظهرهـا
ان دعيتوه إحضر وان مالت الكفه عدلها = والعيون الصاحيه لا بـد يقديهـا نظرهـا
ابشر ان الذهابه في امراحها والله عقلهـا = ماتغير طبعهـا لنكـان ماجاكـم خبرهـا
ياولد صياف جيت وكلمتـأ تعجبـك قلهـا = ماتسير اخطاك في ممشاك كود الله ومرها
ياعسى ذيب المدينه يحتمي غابـة جبلهـا = الذيابه فاول الايـام جـى ذيبـأ ذعرهـا
من لقى درب العضى يالعازمي يتبع سهلها = مايضيعها الغشيم ويتبـع الجـره باثرهـا
الحدود مربعه في حدودها محدأ وصلهـا = قبل يدخلها الغشيم اللي من العليا حدرهـا
وهنيا اللي نصيبه بـرد اللقمـه واكلهـا = فالليال اللي قبل يتعـب معديتـه خطرهـا
الخزينه مافتحهـا غيـر رجـالا قفلهـا = حرب والعتبان دايم ماتغيـر مـن ديرهـا
والله انا فوسط غابه زادنا صافي عسلهـا = الثمر فاغصانها والضل في قاعة شجرها
عارفيـن اصولهـا لمفلهـا ولا فتلـهـا = مايضيعنا الغشيم اللي عصاته في نحرهـا