سلامات

سلامات يالغالي سلامات وشفيك =سلامات طمني حبيبي فديتك
اشغلت بالي ياعسا الشر مايجيك = ولايجيك مكروهن ولايمر بيتك
ماتدري ان القلب متولعن فيك = واخشا عليك من الهواء من هويتك
يفز لك شوقي اذا حل طاريك= ومن زود شوقي في خيالي رائيتك
حتى الضلوع اللي بصدري تناديك = ومافيه لحظه ياحبيبي نسيتك
ومن شوق عيني ياحبيبي لعينيك = قلبي يسابق خطوتي لين جيتك
بهديك ياعمري ولا ادري وش اهديك= يالله عساه يروق لك ماهديتك
من كثر ماحبك ومن كثر مغليك = لوجبت لك معي القمر ماوفيتك