محاوره بين تركي الفين وعبدالرحمن خضير الرويضي

الليله الجمهور يبغى المواويل=والليله الشعار مامن محاصيل
والخير باقي في الليال المقابيل=ومن طول الغيبات جاب الغنايم
ابتدينا وانتهينا وجبنا مانريد=كل عزوه تحتمي واقفة شعارها
قالوا رشيدي قلت حياه ربي=عسى مع الشعار نوره يشبي
قدام لايسرع يطيح بمطبي=ومن طول الغيبات جاب الغنايم
وش تسوي كان جاء الحرب واليوم الشديد=كل واحد في قبيله مولع نارها
ليا سارت رجول البنادم على خطاها=لقيت المطيري بالمسافات يبراها
ولا اقول ينكرها ولا اقول يرضاها=ومن طول الغيبات جاب الغنايم
ابتدينا وانتهينابيوم يوم عيد=وكل عزوه ماتقدم ياغير اخيارها
حسبك ملكت الشعر والشعر بادراجه=ماعندك منه يابن النشاما ولا حاجه
الافكار منعاجه والانظار منعاجه=ومن طول الغيبات جاب الغنايم
انت جيت تصيد لكن تروح بلا مصيد=مير نفسك لاتبيح خفايا اسرها
الليله الجمهور يحكم عليكم=واطلب من المولى يسلط عليكم
منكم واليكم والسلام عليكم=من طول الغيبات جاب الغنايم
مالقينا منكم اللي يفيد ويستفيد=كل واحد بندقه ماعرف معيارها
ياللي تحسب الشعر جبنه وتونه=ياللي على راسه طوال قرونه
ميقافكم وشلون ماتحتمونه=ومن طول الغيبات جاب الغنايم
مابقى الا نقطع الروس بالسيف الحديد=مير بنت العود عيت لاتلقى جارها
دعيتم ولكن منك ماتقبل الدعوه=يابو زيد اللي منسدح في طرف قهوه
تمرك علومي وانت سارح مع اللهوه=ومن طول الغيبات جاب الغنايم
الشقاوه للشقي والسعاده للسعيد=واليمين يمين واليسار يسارها
ربوعي سلايل عبس من ماضي الايامي=ولا اقول في ربعك ردى يابن الاكرامي
لكن احترم نفسك قبل ميسم حامي=ومن طول الغيبات جاب الغنايم
والله اني كل ماتزيد ياتركي لزيد=ولاشربت القهوه اللي بدون بهارها
شيلوا هذا من ساحة الشعر برى=هذا ترى فاشل ولافيه سرى
جيبوا له مرايه يجوز يتمرى=ومن طول الغيبات جاب الغنايم
والله اني موت والموت في حبل الوريد=وميزوا بصغارها وميزوا بكبارها
ميسمك في جبهتك حطه ورده=ولا انت في ماقفك مافيك شده
لكن كبر تحت راسك مخده =ومن طول الغيبات جاب الغنايم
ياسعيد ناد خالك وابن عمك سعيد =العلوم الطيبه عارف مقدارها
جميع الرجاله وسط قلبي تمركزها=وجميع الجهاله وسط قلبك تحيزها
ولامدري متى تصحى وبكره تميزيها=ومن طول الغيبات جاب الغنايم
ادري انك يابيض الوجه ميعت الجليد=في ليال فوق راسك تهل امطارها
كلمتك هاذي كلمة مالها ساس=ابقى عزيز ودايم رافع الراس
ولا انت في بعض المواقيف تنحاس=ومن طول الغيبات جاب الغنايم
انت اظنك تحتري مني العلم الاكيد=لين اكسر لك عظامك وانا جبارها