فــيــصـــل الــريــاحـــي+حــبــيـــب الــعــازمـــي

سلام ياهل الديار اللي عليها سـلام =حامينها أهل السيوف الحدب حامينها
الليله الملعبـه ماتعتـرف بالنظـام =وليا حضرنا تبى ترجح موازينهـا
يامرحبا يارجال(ن) من ديار(ن) كلام =يازينها في ليال الصيـف يازينهـا
الليله الملعبه تحتـاج ربـط الحـزام =وليا وقفنا نبـى نخـزي شياطينهـا
اليا خلطت السوالف من حلال وحرام =لكلمـه الثانيـه عنـدي براهينهـا
ياحبيب اليوم خلك شعرة(ن) في سنام =والبـدو تلقـاك لاشـدت بعارينهـا
أن جنبت في اللحم وأن وافقت في العضام =والكلمه الثانيـه تاصلـك فـي حينهـا
ماني بشعره أناخصمك قطـوع العـرام =وان زاد جن البقـوم أحشـر مجانينهـا
أن وقعت في الصخر وان وقعت في العدام =حنا سيـوف المعـارك وأنـت سكينهـا
الله ربـي وربـك يامـطـوع جـهـام =تسجد على الأرض لاثـارت براكينهـا
لو مامعي غير سكين ومطرق بشام =أخذ سيوف أكثر البقمى من يدينها
الله رب الجميع وصاحبي مايـلام =هجت ذلوله تلوى فـي كراعينهـا
كم عالم(ن) يحلمون ويشمتون الحلام =ماردك عن البقـوم ألا سلاطينهـا
ترا هذيك الهنوف أم الذهب والزمام =ماعدك ألا قذاة(ن) في طرف عينها
وين السلاطين يوم(ن) الشجاري خيام =هي بيض من طبعها ولا مكسينهـا
وأنته بعد في حدا الخدين دقت وشـام =لله يعينـك علـى الأيـام ويعينهـا
شهد لنا بخيت يوم الهوش تحت العسام =ماهي بكذبه مـع العبلـه مسوينهـا
عاملتها بالوفا والطيـب والأحتـرام =وأنته تجمع على الخبـزه وراعينهـا
شهادة طيبه لاهل الهوا والغـرام =قصيدتن كل خلـق الله مغنينهـا
ياصحابنا لايزيد الطق فوق اللحام= أنتـم مغدينهـا حنـا معشينهـا
أنتم كما الزرع ياعتيبه وحنا الصرام =لأرض ماعـاد تحماكـم ميادينهـا
ياشاعرن في الملاعب لبسوك الوسام =ضيعت في الليل عشرتها وعشرينها
كلمتك هذي ماتنقص للنشاما مقـام =ياللي تهدد عتيبه وينـك ووينهـا
يالشاعر اللي نبتلك مثل ريش النعام =ماصالحـن للبقـوم ألا دكاكينهـا
ندخل على الله ترانا مانسـب الكـرام =أقوللـي سالفـه مـاهـم بناسينـهـا
من يوم ركبت طوقن مثل طوق الحمام =حتى أم ضرفين جادينك على دينهـا
السب ماله مجال ولايفك الزحـام =وأن جبتلك سالفه ميعادك دوينها
مايختلف هالرياحي منتفخ كل عام =كن أم ضرفين غاذيته بضرفينها
مزكوم ياصاحبي واعديتني بالزكـام =دينت بنت الحلال ولا قضـا دينهـا
سبحان من حط جسمك مثل عود الثمام =كنك من أفريقيـا وأحـد مساكينهـا
خلـه لعلـه عساكـم كلكـم للهيــام =العافيـه صـح منتـم مستحقينـهـا
وزن الخشب طن ولا الماس كيلو جرام =حمـر الفلسطيـن نكبتهـا فلسطينهـا