نهايتي يابنت ..ذرعاً من الخام

بسم الله الرحمن الرحيم
اخواني الاعزاء
بينما كنت ابحث بالأرشيف
وجدت من بين قصائدي هذه القصيده
التي تعتبر من بداياتي,,,,مع اني لازلت بالبدايات...ههههههه
ولكن ماقبل اربع سنوات من البدايات,,
ارجوا ان تحوز على رضاكم

الطاوله والشمعه ودفتر السلك=وهوامش اشعاري ..وكتبي ..والأقلام
والورد ..ورفوف الهدايا ..ورسايلك=وابياتي بخطك ..على قطعة رخام
كأنها عقب المفارق توسلك=يكفي غياب العام .. لاتزوده عام
وكن الزوايا في غيابك تأملك=من زاوية روح الولا ..اعجاب وهيام
وأنا هنا.. وهناك .. بس آتخيلك= حطمتني ..وانا بك محطم ارقااام
من وين ماوجهت ..اشوفك واقابلك=غرب ..وجنوب ..وشرق ..وإلا بعد شام
بالليل اردد ليل ..ياليل.. ما أطولك=والصبح أردد..آه ..ياطول الايااام
آخر كلامي قول.. ما أظن يجهلك=نهايتي يابنت ..ذرعاً من الخام
ان مت قبل اشوف زولك واقبلك=راحت حياتي كلها اوهام .. بأوهام
وان مت عقب اعانقك ..وآتأملك=مالي في الدنياء..مقاصد ولاأحلام