غزليه00000

بسم الله الرحمن الرحيم


غزليه اشكر من حفظها


ومازلت لاابدع في الغزل


ولكن لتواصل

شعرة اخو سفيان لو نرضابها في كل حيـن=كل الحبـال اللـي ورا متعقـدات انحلهـا
يابنت والله وقتها مانشتكي جـور السنيـن=لو الدهـر مالـه مـع الله حيلـةٍ يحتلهـا
يابنت من بعد الحضورالزين يقفـاه اللعيـن=غبتي وانا ماني براعي دمع لاجـل اهلهـا
ليه الغياب اللي جرحني يوم انا جنبي متين=وليه ابتعادك هزنـي هـز الـزلازل كلهـا
ليه القلوب الذابله ماعاد يسقيهـا الحنيـن=ليه الاحاسيس اهملـت والـود مايوصلهـا
عطيتكي كل الغلا وانتـي كـذا ماتعرفيـن=انـك ليـا غبتـي دروبـي كلهـا مادلهـا
انتي غزالن وسط قلبي كـل ليلـه ترتعيـن=دونك بنادق زاهبه وسيوف شهـب انسلهـا
انتي كما شمس النهار اللي بعدهـا مايبيـن=الا اظلال اغصانها اللـي ماتلاشـى ظلهـا
شوفي سواحل بحرنا ماعاد فيها سايحييـن=اقفوا وانا اللي كنت خابر دقها مـن جلهـا
امواجها قامت تلاطم عن يسار وعن يميـن=وانا الغريق اللي انثنى من دون حق اون لها
شوفي سمانا مظلمه يابنت الآا ماترحميـن=شوفي اراضينا بعد عيـا السحـاب ايبلهـا
يابنت روفي وارجعي والا اسمعي لاترجعين=الله عليـكِ حالتـي بديـت صـدق املهـا
صحيح فقدك حاجةٍ عظمى وانا جرحي ثخين=لكن ابصبر حلهـا ماهـوب عنـدي حلهـا