قصيده بعنوان قصر الملك ارجوا ان تحوز على اعجابكم

ليت الشعر قصر وعلى باب القصر=حراس قصر ومن يهاجمهم هلك
وسطه ملك والقصر مدخاله حصر=على الملك وآبناء الملك واهل الملك
واللي معه لامر الحكم عقل وبصر=وذو الشان والرفعه لاوكل وامتلك
واللي مايسمح في دخوله لو أصر=لو هو سلك في ثقب الابره ماسلك
والقصر له هيبه وسوره مانقصر=ماطاح سوره رغم دورات الفلك
لو الشعر مثله تقاضى وانتصر=على صعاليكه وفرسان الكلك
واللي عليهم أكثر الضو انحصر=يمسون في ليل(ن) من الظلمه حلك
ونتوجك يالشعر تيجان النصر=في وسط مملكتك وحراسك هلك
عشان نطلع بالمفيد المختصر=ونطرب ونستمتعبك ونتأملك
وفيك ابركه لوك قليل وتقتصر=على القديم اللي يعيدك لاولك
بس مشكلتك انك مثل فية عصر=مالك قصر مالك حرس ماانت بملك
ياكثر من عدى بغصنك وانهصر=احد(ن) تجمل بك وآحد ماجملك
وشعبك كثير ولو حصرته مانحصر=أخاف فيهم من يحاول يقتلك