ما جيت اعاتب لك ولا جيت مشتاق

السلام عليكم

ابيات من جديدي ارجو تمريرها

مرت علي ايام في حب واشواق=والليل ينعشني شذاه ونسيمه
سارت بواخرنا على كل ما لاق= الطيب والنخوه ونيه سليمه
كان الغلا والحب فالقلب خفاق=حب ٍ شريف وفيه حشمه وشيمه
اعطيتني ميثاق واخذت ميثاق=وكانت علاقتنا علاقه حميمه
والحب بعد انه تغلغـل فالاعمـاق=اعمي عيوني عـن حقايـق اليمـه
يا ما كتمت الهم والدمع دفاق=بين الرجاء والياس فرحه يتيمه
توعد وتخلف يوم انا انسان صداق=غرتك نفسك والعواقب وخيمه
حديتني لا قصااااى واعلنتها فراق=واليوم حبك صار من غير قيمه
ما جيت اعاتب لك ولا جيت مشتاق= جيتك موادع والسلامه غنيمه