ديوان الشاعر منصور عقال الرويتعي الحربي ( الشاعر مجافي )

الاكيــــــد ان الحبيبه واعدتني والتقيــنا =صح خلوتنا حــرام ولكن اطهر ماجنيـته
ركبت اللكسز وكم ساعه نفرفر ماحكيـنا =بس وقفنا واخذنا كم عصيــر وبسكويـته
قلت انا خايف من الهيئه وقالت ماعليـــنا=بيعها مادام هالمشوار يالشاعـر رضيـه
بعتها ولاباعها مثلي حــرام انا مشيـــــنا=وعادتي اكمل المشــوار لامني بديــــــته
ثم وسط الليـله الظلمى مع الامه سريـنا =واحدن جنبه مـــره واكيــد رايــح لم بيته
فكــت اللثمه بتاكل وبتذوق ماشريــــــنا =وانا فاتح فمي في جمال عمري مارأيـته
مدت السكوت واللي كان طعمه بالفاليــنا =بعد اكلته قلت جـوزالهند طعمه ما سليـته
يعني ضيعت الكلام وتو بالهرجه بديــــنا =ماني بمنصور ذاك الشاعر اللي موت بيته
ضحكت وقالت تذوق هالعصير ومن يدينا =خفت اكرر غلطتي قريت وش هو ونسيـته
قالت العصيــر وشهو؟ قلت منتج ماردينا =قالت الواحه تراه الاسم ذا من وين جيـته
قلت ماعندك شغل قالت معاك ولاعليــــنا =قلت انا عندي شغل هالحين والله ماقضيـته
قالت انت احلى من اللي فيه همنا وابتلينا =باختصار اطلب وكل اللي تبي مني خذيــته
قلت ابي جبــر الخواطر بس لامنا بكيـــــنا =وآدمي يمسح جديـــد الدمع لامني بكيــــته
قالت ابشــر بس لازم قبلها نشبك يديـــــنا =قلت لا ليه خوات وحـاول ابليــس وخزيته
الاكيـــــد ان الحبيــــبه وآدعتني وانتهينا =واللي اوكـد منه كل الدرب هذا ما مشيـته