 |
 |
 |
| روائع شعريه |
| روائع الكسرات |
 |
|
 |
||||||||
 |
|
 |
||||||||
 |
 |
|||||||||
 |
|
 |
||||||||
| مــلــتــقــى الــقــوافــي الإبحار في عالم الشعر |
|
|
أدوات الموضوع | إبحث في الموضوع | انواع عرض الموضوع |
|
|
|
| روائع شعريه |
| روائع الكسرات |
|
|
|
||||||||
|
|
|
||||||||
|
|
|||||||||
|
|
|
||||||||
| مــلــتــقــى الــقــوافــي الإبحار في عالم الشعر |
|
|
أدوات الموضوع | إبحث في الموضوع | انواع عرض الموضوع |
11-02-08, 02:41 PM
|
#1 | |
|
شـــــاعر
|
مساجله مع الشاعر 0000000
بسم الله الرحمن الرحيم السلام عليكم ورحمة الله وبركاتهاخواني اعضاء ملتقى قبيلة حرب يشرفني ان اضع هذه المشاركه الاولى لي بالنظم داخل الملتقى وهي مساجله بيني وبين اخي الشاعر عبدالكريم بجاد البدراني امل تحوز علا رضاكم
يالله ياربي بخير وخيرتن ياذو الجلال=خيرن يفرج ضيقتن في خافقي مدهالها ميعادها في خافقي وقت العصير مع الزوال=تصفق سوات امواج بحر تصتفق في جالها اردها لم اليمن وتردني لم الشمال=واردها لشرق تعكسني وهذا حالها يالينها كبرت وصارت كبر راسيت الجبال=الله ياثقل الجبال اللي الهموم اثقالها دنياي قامت تدرج مثل الرشا فوق المحال=إليالها بايامها وايامها بليالها وانا ليا ضاقت علي اقول مافيها جدال=نصيت ربن رحمته كل البشر بظلالها وصغت البيوت اللي عليها الوسم ماراحت غفال=وسمي عليها عز عند العارفه منزالها ببدايت الابيات بسم الله ولاغيره يقال=وعلا رسوله ياصلاة الله بعشر امثالها ياراكب اللي مشيته لامن عطا جرد السهال=مثل العديم اللي تقفته الهبوب بفالها جيب يساويله ميت خلفه وحر من الجمال=والفين رجلن مايثمن كلمته لاقالها ماكن طبلونه وشاشاته وديكور الجمال=إلا كبينة قايد الميراج في تفصالها مايملكه شرواي ماله بالحساب ولاريال=تشريه ناس مادرت عن قيمته وامثالها اهل المناصب الرتب واللي اساميهم بال=وإلا هوامير ماتعرف كم روس اموالها مواصفاته واصله بالعلم لحدود الخيال=في لمعته رفارفه وجهيته تمثالها يالعنبو من صممه يحرم علي إبهالمجال=لاعطيه جايزة التميز بسم نوبل نالها ما ابغاه ادور للمكاسب والمكاسب بالحلال=ابرسله للي علوم المرجله يسعالها الوافي اللي مامشى بالعيب ودروب الخمال=نسل الحرار اللي علا الطاله تبين افعالها عبدالكريم إبجاد لامن الزمن والوقت مال=اخو ذخرته dلليال القاسيه واهوالها عساه يفدونه إرخومن شغلهم قيل وقال=إفلان قال وقيل فيك وجيتلك نقالها وش قلت فيه ويش عندك ردتن لالنفعال=هذا هو الموال لعنتها علا موالها اما انت والله خوتك خوت شرف تمشي عدال=ماهي بخوت عفنها وارخومها وانذالها والخوه اللي مامشت بالعز وإسلوم الرجال=الله يلعنها ويلعن عمها مع خالها ارسلتك وابسئلك واسمع مضامين السوال=والحر يفهم بالاشاره مايبي تفصالها ابسئلك ياصاحبي عن عقدتن وسط الحبال=احلها وإلا انتضر ويجيلها حلاالها اخاف لاحليتها يطيح حملن مايشال=اخاف لاخليتها بعدين مانقوالها احيان لافكرت اقول الشمس اخير من الظلال=واحيان اقول اخير من حر الشموس إظلالها والعقل والهاجوس والطاروق راحن في جدال=لين اصبحت كل الثلاث إتحط لي معدالها صرت الحكم وانا الخصم بين العداله والميال=وانا من اللي مانقص طول الزمن مكيالها فكرت قلت الشور لرجال في بعض الحوال=اكبر شجاعه قبل يفتح للعدا مدخالها ولاشك ياشقران انا خابرك من بين الجمال=حر ليا منه هدر عسر الحمول اشتالها والفرق ياشقران بين الرس والعد الزلال=بالظبط فرق لرجال الوافيه واحثالها والرجل يعرف من يشاور لابغى شور الرجال=والدله الصفرا عرفها من شرب فنجالها لاكن هات الشور ونقول الك لله الكمال=وإلا البشر يبقا بشر مخلوق من صلصالها واسلم ودم يامعرب الجدين عمان وخوال=جتك البيوت الوافيه واسرع برد امثالها بديت ذكر الواحد المعبود عالم كل حال=علام غايات البشر واسرارها واجالها فردن صمد واحد احد ربن عليه الاتكال=محصي خطايا الخلق والحسنات عبر اجيالها واسرجت خيلن للمعاني ماتهوز الا الجزال=وحديتها لين خضعتلي من بعد مجفالها ياراكب اللي وقفته وقفت زعيم بحتفال=يناقش ملوك العرب عن العرب واحوالها ويحثهم علا التعاون والتكاتف والنضال=لو العرب تال الزمن في حالتن يرثالها واليا مشى مايلحقنه طايرات الاحتلال=مايرخي عزمه لو الطرقه تطول اميالها واليا اعترض تقويسة الرفرف مثل قوس الهلال=جوانبه صة ذهب وخطوطها تبرالها ولمعة جنوطه كنها البراق ببطون الخيال=والا النجوم اللي تلالا في متون ابدالها وجهيته تبرق مثل كاس الذهب بالمنديال=وشمعات نوره مثل حب اللول في سلسالها ولامنه اقفا اقفاية الفزاع في يوم القتال=يوم السنين اللي سعدها تحتويه اعضالها ياسايقه جعلك بحفظ الله من صدوف الليال=مكلفك برسالتن مثلك كفو ليصالها عده علا اللي بالوفاء والطيب يضربه مثال=شبلن من اسود مهابتها تعز اشبالها الصاحب اللي خصني بالمدح لاكن المحال=زودي علا روسن فعولي تقتدي بافعالها وانا ما اعز الا هل الطاله كريمين السبال=اللي بدرب الطيب والنخوه تشد ارحالها والا الردي راع الردى لاعل عينه للخلال=حيث العلوم الطيبه شرواه مايشقالها والخوه اللي ساسها مبني علا جرف هيال=الله يمحاها ويمحى دقها واجلالها وانا اشهد اني مالكلي كنز ماقبله بدال =خوتك ياحمد يافتى الخوه ويامنهالها واخذ الجواب اللي طلبته من صحيبك في عجال=لو كان من دوني تحل المسئله واقفالها والعقده اللي قلت جنب دربها والاحتمال=تنحل مع مر الزمن ياصاحبي من حالها والذيب يزبن لاورح البارود في روس الطوال=جنب عن الحيله وجنب عن خطر محتالها والامر والتدبير عند اللي يطول ولايطال=يعلم خفا الانفس ويجزيها بقدر اعمالها والموجه اللي تجمع الشيبان معنا يالعيال=قامت تشوش باول الرحله وضعف ارسالها وكل القصور من المراسل مايجي منه اتصال=صحيح طورها لاكنه ماسعى لكمالها والطيب اللي بالوفاء والمرجله حبله جلال=بين الرجال اللي يعز الطيب عز خصالها والفايز اللي فاز بالتقوى وشام عن الظلال=مازرفلتله لذة الايام في زرفالها ولعل مابيني وبين اللاش عرف ولا اتصال=حيثن عرفه علتن تستوجب استيصالها ولايامن المنقود كود الي مشى بالاعتدال=والا الدروب العوج مايعتز من يلجالها والعز ماهو بالثياب وبالعمامه والعقال=والمرجله ماحازها من لا تحمل لاالها وعسى الكلام اللي وصلك من صحيبك له قبال=لو كان من دوني تحل المسئله واشكالها وتمت بذكر الواحد المعود عالم كل حال=علام غايات البشر واسرارها واجالها |
|
|
| أدوات الموضوع | إبحث في الموضوع |
| انواع عرض الموضوع | |
|
|
 |
 |
 |
العرض الشجري