هذه احدى حفلات عيد الاضحى المبارك

هذه احدى حفلات عيد الاضحى المبارك في قصر ابن عقيل غرب مدينة الرس وقد حضر الحفل كلا من:
مبروك ابوناب شاعر قبيلة حرب كافه
عيد بن سمير الحربي شاعر معروف
فهد بن نعيم العازمي
ضيف الله بن منيف

سلام ياروس الرجال اهل العوايد والسلـوم=واهل السيوف اللي على الطاله ينومس سلها
ضيفٍ على الديرة وادور من يجيني بالعلوم=وانا علوم اهـل العلـوم الطيبـه ماملهـا
يامرحبا من عندنا وانته عسى خيرك يدوم=انته عتيبـي والعتيبـي حصتـه مازلهـا
حنا رجالٍ لاحضرنا مانوخـر فاللـزوم=الاولـه محلـهـا والثانـيـه محلـهـا
محلنا واحد وحنـا ربـع ماحنـا بقـوم=ياشايب الرحمان كان اوحيت زله زلهـا
الجوهره وسط البحر من دونها موجٍ يعوم=ماكل سباحٍ تحت مـوج البحـر ينزلهـا
يالعازمي بالله تسمع وش يجي بين الخصوم=واذهن رفيقك لايجيـب ام المشاكـل كلهـا
الجوهرة وسط البحر من دونها فرك الخشوم=خل الجواهر عند اهلها عنـد مـن يحتلهـا
اقول يابوناب لاتنفخ واوريـك النجـوم=وان كان ماعندك مخارج ناد عيد وخلها
يالعازمي والله مانقنع بمادون النجـوم=حتى الثريا لو بغيناها نبـي ناصلهـا
لكن يابو ناب خلك بين رابغ والجموم=ولا الدروب اللي على سلم النشاما دلها
من مفخة الحربي رفع مشحلك عن كل الهدوم=ياكبرهـا ياصاحبـي ياليـتـك تفرملـهـا
اللي يجي فام القرى دايم عسا حضـه يقـوم=مهبط وحي لاشاهدت كثـر العلـوم وقلهـا
أنا احسب انك فارسٍ مقدام وحصانك عزوم=واثرك لو فالصدر حجه ماعرفـت تفلهـا
وانته من اللي قد مضى والله مايلحقك لـوم=الله واكبر كـم بيـوتٍ مايضلـل ضلهـا
انته تجاوزت الاشارة لين لخبطـت الرقـوم=واللهجه اللي ماعرفها كيف اعرف ارطن لها