عيد راس السنه (( الكرسمس ))

السلام عليكم
ابيات امل ان تنال رضاكم

يا الله يا رحمن يادافع الباس=يا مفرج لعبدك ليا حل يأسه
سر ياقلم واكتب على طيب الساس=البيت ما يبنى على غير ساسه
قلته وانا اللي ما دخل قلبي الياس=لو ضاقت الدنيا وزادت عكاسه
البارحه فكري من الهم محتاس=ون جاء بيصفاء واقع الناس حاسه
شفت العجايب مالها عد وقياس=في مجتمع مسلم وفيه انتكاسه
يهوي المعازف والنواعس مع الكاس=وبمتابع الموضه حياته تعاسه
جوال باندا والهمر يتعب الراس=والثالث الدمعه ويآل الخساسه
بالصوت والصوره عواري بلا اللباس=والخبل يعرضها على كل ناسه
والحب اله اعياد وافراح واعراس=واللون الاحمر صار رمز الوناسه
وعيد الكرسمس للأول العام نبراس=رقص وغنا ما بين خبث ونجاسه
الغرب غازينا بلا جيش وأفراس=بأ فكار تضعف ديننا والحماسه
و ليش الشباب يقلد افعال الانجاس=ويرضى على نفسه بنقص ودناسه
المال يخدم ناس ويهين له ناس=وهذي رساله تستحق الدراسه
وصلاة ربي عد ماهب نسناس=على رسولاً بان فالحرب باسه

وسلامة قلوبكم