<< صياف الحربي و الجبرتي>>

هذه المحاورة جرت بين الشاعرين/ صياف الحربي و محمد الجبرتي
رحمهما الله

سلام الله سلامٍ ذا السنه ماهو سلام العام=سلام العام راح العام بين هناك وهنيه
أنا اشوف المعارض واقفه والزين ماينسام=سمعت أهل المعارض يشتكون من الشريطيه
هلا مرحبا ترحيبتآ ترحيبها قدام=لو ان قلوبكم ماتت عصر واعيونكم حيه
كثير الناس يمشي فالطريق وحفرته قدام=ولا يدري عن الحسنه ولايدري عن السيه
أنا باغيك ياصياف لو أنك بغير اخطام=لكن ازحف وراك ولاتمش يديك بيديه
أعرف الحبحب الفاوي واعرف الخربز الشمام=وأبو خداش مشتالك معه دفعات روسيه
تبا المطلاع راس الريع ليت الله عطاك عظام=نشيلك فوق راس الضلع بين الشمس والفيه
أشوف الناس تعطيك العمامه وأنت أبوعرام=وأبوعرام مايرتاح لين يحط طاقيه
دخيلك لاتخرب في بلدنا يافهد بلام=تخرب فالبلد وانته عليك صكوك شرعيه
يقولون العرب ماتلبس الا وارد البسام=تبيع وتشتري فالسوق هنديه ومصريه