بن هديبان+ســـمو الشوق

يامرحبا ترحيب قبل ايفوت شي امن الوعد=لين السفينه بالبحر تدور كل اسيورها
الوسم توه مبتدي والبرق يبرق والرعد=وان كان ظر الديره ابطت ماتطير اطيورها
إلك البقا ياصاحبي وابشر بسعدك والسعد = ترى السفينه دايره مادام ذا دستورها
المزن مركز فى البحر لاتقول وعده مبتعد = والضاميه لاتشتكي يروي لها حنجورها
المال فالبنك الكبير الي يسمى المتحد=والناس طول الوقت قدرتها على مقدورها
اقول وين الناس وثر الناس راحو ماش احد=الله يبارك فالحياه الي يسر اسرورها
مال العرب ياصاحبي من يارثه عن جد جد = واللي تقدم بالطلب يعطى على منظورها
ماهمنا باللي وقف في ماقفه واالي قعد = عند المواقف ينكشف صحيحها من زورها
الله يفك الي معه تفكير من قوم الحسد=والي يحسب الشعر كوره كل يوم ايكورها
نهر الفرات اصبح بحر والبحر الاحمر ما ركد=والي معه فكره عن الدنيا يمثل دورها
الرد شامل يحتوي عن شخصنا واهل البلد=لاخير فى اللي يترك العشره ويهدم سورها
البحر الاحمر لو يهيج ماظنتي تلقى مصد=ترى العوارف تنتبـه لاينغـرق بابورهـا
ماظن فالحكام واحد مثل بشار الاسد=لو العداء تظحك حواجبها تظيق اصدورها
البحر الاحمر يوم جاه البرد من برده برد=ياليت بعض الناس فالدنيا تشوف اقصورها
خلك مع الدرب التمام واسجد مع اللي قد سجد = لاعطوك في وضح النقا مالك ومال نحورها
ماقد حصل ان البحر علم غريقه يوم هد = شقيان حالك والبشر غنت على زمورها