يا السحيمي ترى بيني وبينك حدود

الهاب الحربي=
يا السحيمي ترى بيني وبينك حدود=كل واحد على حده ويرجع وراه
انت حدك من اطراف القصيم وتعود=والوسيدي مسك حد الشمال وحماه
صياف الحربي=
انتبه للجمال تسوق ولا تقود=كل جمال ياخذ بندقه مع عصاه
حدي الشام والبصره وعندي شهود=وانت احفظ كتابك والقلم والدواه
الهاب الحربي=
لاتضيع العلوم ولاتبيح السدود=سوقها لين ياصل علمنا منتهاه
ما يقفي نهار الكون غير الشرود=كل ماكبرت الهوشه عطاها قفاه
صياف الحربي=
امش يالهاب والهب والركود الركود=ونتبه للفقير الي غضب من عشاه
ومسك الارض يالين المسافر يعود =والبنادم اللي جاب العشا ما علاه
الهاب الحربي=
يا مدير الخزانه لاتروح النقود=في نهار يصير الفقر مثل الغناه
جيت ابازعل على صياف والياه عود =مير قولوالابن عواد يصلح خطاه
صياف الحربي=
فيه ذيب يغير وفيه ذيب رقود =وانت حط العشا بالقدر قبل تغطاه
ليله السبت تنظر في شرار الزنود=والحقيقه لبست الثوب فوق العباه
الهاب الحربي=
الذيابه سوى من عصر عاد وثمود=غير واحد سنونه طايحه من جماه
حرب دايم علمهم فوق راس العمود =اذهن الداب يوم انك قلبت الحصاه
صياف الحربي=
الرجال الكبار تحك عود بعود=وانت مدري تحك العود واللحاه
حرب قوم الحرابه قبل عشره عقود =دارهم مايموت ولا يظلم سماه
الهاب الحربي=
الرجال الكبار مقيده بالقيود=مير صياف بن عواد هذا بلاه
بعض الايام بيض وبعض الايام سود=وانت مدري تحب الموت ولا الحياه
صياف الحربي=
ما يسب الرسول الا عيال اليهود =وانت روح وتوضى قبل وقت الصلاه
احترم في يمين الضلع وارقى سنود =وانتبه للرماه اللي وراها رماه
الهاب الحربي=
انت ماانت برسول ولا انت رب معبود =شاعر يخدم الميدان بين ازملاه
هيه ياللي تشب النار زيد الوقود =السحيمي نويته كان مالله هداه
صياف الحربي=
اشكر الله ياحربي واشكر بن سعود =واترك اهل الشعر كلٍ على مستو اه
ما يغش الزمل غير البعير الهيود =يوم شم الهوى يهدر ولاله لهاه
الهاب الحربي =
نشكر ابن سعود وكلنا له جنود =مير انا شاعر اقف بماقغي وحماه
ما يشيل السلاح الا قوي العضود =وانت ياللي جرحت الجرح تلقى دواه
صياف الحربي =
انت تشكر ولا تكفر ولانت بجحود =مير ماكل طحان يحرك رحاه