مالقيت الصديق اللي يداري ،،

جيت ساري ومطريني طواري=مابها نوم ياعيـن الحرامـي
والله اني على راسك لا ثاري=لين توقف على صم العظامي
جيت ساري ولا جبت المـواري=تبتدي تنتهي لونك تعديت الزلامي
المثاري يـدور خصـم غـاري=عندنـا نـار والميسـام حامـي
كـان فالحـظ بـاراه المـبـاري=نظهرك صبح مع بـاب السلامـي
انت راس السبب من عصر ضاري=مادريت ان هـذا الشـام شامـي
لو عطوك العيال اربع شباري=من هو اللي يجيبلك الحزامي
انت تكتب لكنك مانت قـاري=بس ترمش بعينك فالظلامـي
شيل سلعتك انا ماني بشاري=واسمع العلم لاتغوى كلامـي
وارحلوا بالرضا وألا جباري=انت تحت الامر والامر سامي
ناخذ التمر ونبيـع الهـواري=وانت خلك تهنـى بالمنامـي
روح الحب في صدور القماري=وش بقى للطيور وللحمامـي
انت دون التمر رجل انتحاري=مات حربي وهو جيعان ظامي
مايلف البدن ثوب العـواري=مانويت الليله اجرح صيامـي
انت تدري لو انك مانـت داري=ما اقدر اسعى واطوف بلاحرامي
خمس لفات من تحت الكبـاري=تبعد الشاردين عـن المرامـي
اقطفوا من عنا الدنيا ثماري=قبل لاتيبس عروق النوامي
يلتوي فالدروب العوج غاري=ولا انا قيمتي ترفع مقامـي
مالقيت الصديق اللي يـداري=غير مشعاب عوض الله يوامي
لا تضيع تميسـك يابخـاري=حضر القرص ونجيب اليدامي
التجاري يصف مع التجاري=مع تحياتي الكم واحترامـي