يا مرحبا في محل مكملين اللزوم

يا مرحبا في محل مكملين اللزوم= ترحيبة ما نقصرها على حد أحد
مستور غايب ثلاث شهور ماله علوم= مدري عنه قال كل العلم و لا جحد
تبقون يا أهل الوفا عداد مبدا النجوم =و عداد ما قاد نو فيه برق و رعد
و الله ماني بغايب جعل حظك يقوم =مير أنت رجل تنوم من الأحد للأحد
السالفة طولت وصلت لراس الخشوم= لكن خلك بجهدك لا تخلي جهد
من يعشق البنت ياخذها و ينسى العموم= يالله عساها تخلف بنت ولا ولد
يالشاعر الخالدي محد عليها يدوم= أحد يعقد العقد و أحد يحل العقد
مير أنت رجال ترقى في طوال الرجوم= من راس قرنيك تنقز في مشارف برد
راحت صقورالفضا وانخش في العش بوم =والخافي أعظم كما ما قيل وأدهى وأشد
وإن كان ودك تحواها على السوم سوم =وابشر برد البرا ذلحين ولا بعد
صحيح ما كل طير في سمانا يحوم= واليا رسمت الوعد جيتك بحسب الوعد
مافسر الحلم غير مفسرين الحلوم= أحد يواجه سعد وأحد يواجه نكد
إن كان حمي الوطيس ابشر وحنا خصوم= لكن محد بناله خيمة بلا عمد
حد .......وقريب من حدود البقوم= والقاضي المرتشي ماهو من أهل البلد
خلك بخط الدفاع و كب خط الهجوم =ماني شريكك بحظك قام ولا قعد
إن كان منته بشاري الغالية لا تسوم= يالصاحب احفظ حسابك لا يضيغ العدد