صياف بن عواد ...و... وسالم المخلفي

محاورة بين صياف الحربي ـ رحمه الله وأسكنه فسيح جناته ـ والشاعر سالم بن عوض المخلفي , أتمنى أن تنال إعجابكم .

سلام ردية عدد ماهل همال المطر = مثل ماقالوه الرجال مفقده ومنقده
دام الشرا والبيع وسط السوق أنا ليه نظر = والمرجلة توفيق ياأهل العلم ما هي محددة
يامرحبا باللي يكلمني ويعطيني خبر = لا صارت دروب الديار محدرة ومسنده
ياراعي السيف الحدب والبشت والثوب الخضر = عذبتني واللي معك ثنتين مدري وحده
ابك البقا والعلم قالوا لي يزيد عن البحر= واللي يشوف الدرب ما عنه الدروب مسدده
أنا أدري إن النجم الأزهر لامع وزن القمر = ما الله المعبود ، واسهيل اليماني ما أعبده
ليلتك هذي مثل ليلة عشر واربع من شهر = يازينها لكن بعض من الرجال مقرده
الشاوي اللي ما دخل بيته لا سمن ولا تمر = لا يلتفت يم السما من شان برقه ورعده
صياف راسه ممتلي والصدر مليان ظفر = هذا يجيه بقوة اليمنى وهذا يشحده
أبواب نجد مفتحة وأنته بشر مثل البشر = لكن يا كثر الحبال محللة ومعقده
النجم أبو شعله يسر العين يوم أنه ظهر = والبدو لا طاح المطر كل ركض له بجهده
لا تدعس البنزين ياسواق ويطير الكفر = والقاك في ظهر السرير وتحت راسك مسنده
صحيح مار المشكلة من راي أبو زيد وعمر = كل يقدم حجته ويقول لي مسنده
ترى الحذر ما قط ياصياف فك من القدر = ما أكثر العربان يلقى له صحون مبرده
طارت عيون الناس فوق إن كان ما ربك ستر = لكن من رايي تخليها علوم مجمده
أكلت لك حبة علاج وعودت علة في نحر = وأنته تعاند مثل هاك العالم المتعنده
ما لي ومال الناس بعض الناس يعبد له حجر = مار الجمال مرسنه برسانها ومقيده
البندق اللي ما تفك من الذيابه بالخطـر = ماتنقل وبيوت أهلها كل يوم مهدده
أنته تصوم السبت والاثنين وتحل الفطر = ليتك ما حليت الفطر بالكلمة المتردده
العام نسكن فالدير لو إنها وقت ودهر = واليوم من كثر الرمي حتى السباع مشرده
أنا ما صوم إلا الصيام المعتبر يا معتبر = واللي نزل في طاعة المعبود ما أنت مشدده
العام ياصياف كن الناس تشرب من نهر = واليوم حتى اللي حلاله قرش قام يعدده