فلاح صياف السحيمي وحبيب العازمي

فلاح بن صياف السحيمي=
بالنيابه عن قبايل حرب والحفله واهلها=مرحبا واحلا الليالي ليلتأ طالع قمرها
من يمد الطيبه يالعازمي يبغى بدلها= الكريم يعدها وان جت لوازم ذكرها
حبيب العازمي=
البقا لك والحموله مانقلها إلا جملها=والسنه هذي سنتها والشهر هذا شهرها
المطيه واقفه والياابركت كيف اتعقلها=لاتروح بالشداد اللي من اول في ظهرها
فلاح بن صياف السحيمي=
ان دعيتهوه حضر وان مالت الكفه عدلها =والعيون الصاحيه لا بد يقديها نظرها
ابشر ان الذهابه في امراحها والله عقلها=ماتغير طبعها لنكان ماجاكم خبرها
حبيب العازمي=
ياولد صياف جيت وكلمتأ تعجبك قلها=ماتسير اخطاك في ممشاك كود الله ومرها
ياعسى ذيب المدينه يحتمي غابة جبلها=الذيابه فاول الايام جى ذيبأ ذعرها
فلاح بن صياف السحيمي=
من لقى درب الغضى يالعازمي يتبع سهلها=مايضيعها الغشيم ويتبع الجره باثرها
الخزينه مربعه في حدودها محدأ وصلها=قبل يدخلها الغشيم اللي من العليا حدرها
حبيب العازمي=
وهنيا اللي نصيبه برد اللقمه واكلها=فالليال اللي قبل يتعب معديته خطرها
الخزينه مافتحها غير رجالا قفلها=حرب والعتبان دايم ماتغير من ديرها
فلاح بن صياف السحيمي=
والله انا فوسط غابه زادنا صافي عسلها=الثمر فاغصانها والضل في قاعة شجرها
عارفين اصولها لمفلها ولا فتلها=مايضيعنا الغشيم اللي عصاته في نحرها