صياف(شليويح المطيري شرب من شربة الذيب)

السلام عليكم ورحمة الله وبركاته...
هذه المحاورة جرت بين الشاعرين الكبيرين/ صياف بن عواد الحربي.. و شليويح بن شلاح المطيري.. وذلك في عام 1404 في بلدة العمار بمنطقة القصيم..

شليويح المطيري شرب من شربة الذيب=وسافر في طريقـه وخلانـي لحالـي
طوى حبل السواني على عرج العراقيب=ولا أدري متجـه لليمـن والا شمالـي
أنا ماني بصيده لعكفان المخاليـب=اعرفك يالشهر قبل لايبدي الهلالي
زمان العام شفناك كفيت المحاليـب=كرامه لابو عنتر.. وابو زيد الهلالي
طلعت من اسفل الضلع في روس المراقيب=وحول بك نصيبك علـى مرقـاب خالـي
أنـا صفيتهـا يـوم خبثـن المشاريـب=لكـن انتـه تطـش العمامـه والعقالـي
اساير بعض الامه مابين الخبث والطيب=لكن أنته مع العدل يوم العـدل مالـي
يأكثر اصحابنا يوم جربت الاصاحيـب=لكن الساس مبني على الجرف الهيالي
هبوبٍ شالت البيت مركـوز الاطانيـب=بعد بكره تشيل الدقـاق مـع الجلالـي
وصلت البحر الاحمر.. وحنيت المشاعيب=وبكره يصفي الماء لرعيـان الحلالـي
أنا حقي على اللي يعرفون المواجيب=ولا يعرف لزوم الرجال الا الرجالـي
شربنا الجم الازرق وخلانا المغاريـب=وأنا ماضاع لي صرف قرش ولاريالي
ركبنا بالسفينه وسوينـا تجاريـب=سحابٍ طاح ماله لابرق ولا خيالي
وياكثر المشاكل.. وياكثر العذاريب=ولا ذقناك ياشري مر والاانت حالي