راشد السحيمي و حمود السمي

هلا في حفلة المطران باللي شرف المطران= أقوله في محل اللي يزيد الطيب من طيبه
على وضح النقاء بالملتقى باسم الله الرحمن=ياراشد غبت خمس سنين وش هي سبة الغيبه
عسى فيك البقاء ياللي ترحب و العباد اخوان=أنا حربي و ضيفٍ مانسي واجب معازيبه
أنا ما غيب ثابت مثل مايثبت جبل ورقان=عليك الهون لاتنشد جبل ورقان عن ذيبه
وفاء يا أهل الوفاء و النار بين الزند و الصوان= تكر الجمر الاحمر كر و تلاحق مشاهيبه
جبل ورقان لو الله يسلط فوقه البركان=يبأ يصير الجبل مثل السهل و الناس تمشيبه
تقوله و أنت لاهلحين بين النار و الدخان=عسى ربي يعين اللي مابين الشك و الريبه
جبلنا مايهزه ياحمود إلا عظيم الشان= يالو يصير سهله يعلم الله ماتصليبه
نحدث بالحديث اللي روى عثمان بن عفان= حديثٍ عن رسول الله لكن تقول ماليبه
ألا ياطير كيف طير وأنت مكسر الجنحان= لو أنك حرٍ قطامي يعشنه مخاليبه
أثرك صدرك من التوحيد لافاضي و لامليان=سمعت أنك تحدث بالكلام اللي تهذريبه
أخاف أنك مسوي سالفه ياطير ابن برمان=هذاك اللي هبوب الريح تقبل به و تقفيبه
عليك الهون ياحربي ترى دستورنا القرآن=و كم مره نجي و نروح من مكه ليا طيبه
عليكم و الله أكبر ياحرب أهل عسفان= ليا سند بكم وأنحاءبكم واحد من عتيبه
أنا مدري متى جبتي ولد يامريم العمران= لكن الأمر لله وش ملويله عراقيبه
ألا ياحمود مايمكن تحرضنا على العتبان=لهم هيبه و حنا مثلهم قوماًُ لنا هيبه