لاجل طلّة محياك

السلام عليكم ورحمة الله اخواني واخواتي
هذه قصيدة قديمة احببت مشاركتها معكم
في هذا المنتدى الطيب :

يا صاحبي لو غِبْت عَنّا فامَعذور
وان كان في قلبك عِتابٍ سَمحناكْ

ولاّ براكين الزّعل فيك باتثور
برضه بنصبر لجل طلَّة مُحياكْ

وإن كان خُنْت العهد ماعاد لكْ دور
و مِنْ خرايط منطقتنا محيناكْ

تراك مِنّي باقي العمر مهجور
ما عاد يسعدني مجيّك وملفاكْ

ياليت قلبي دايم أفراح وِ سْرور
وِ ان العَناَ يا بو علي مابعد جاكْ

لاكِنّ راعِ الصَبر يقْلُون منْصور
حتى لو ان العصر هذا تحداكْ

والله بيفْرجها والأفلاك با تدور
في يوم باكر يابنِ يآدم وش ادراكْ

والله يمسي قاري القاف با لنور
ويصبّحك بالخير و يطيب ممشاكْ

…