ديوان الشاعر عجاب صالح الحنتمي المزيني

سلام يافيحان فكاك الارقاب
شيخن تنومس كل حربي فعوله

جاهه يفك ابواب ويسكر ابواب
ياطيب هوماته وياطيب قوله

عن ماقفه مايوم راع الوفى غاب
الله رفع شانه ومعطي قبوله

عند الجميع من القرايب والاجناب
لاصعبت القالات توخذ حلوله

من روس حرب ومن عريبين الانساب
جمع النواحل حيهم من حموله

اهل كرم يوم انها خيل وركاب
قدام مانخضع تحت حكم دوله

دولة عدل لفرادها درع وحجاب
تحكم بقول الله وسنة رسوله

وان صاح صياح الصحى فوق مرقاب
ركبو على قحص المهار العجوله

من شافهم عطا عن الذود مجناب
بعد الطمع مايرفعنه رجوله

يابو سعود اقبل تحيات عجاب
ياشامخ الهامه ورمز الرجوله

عجاب الحنتمي