المجلس

بالمجلس الي ماتقدر اليا جيت = ابعد عنه لو كان مجلس زعامه
لا صار يجمع من ضعوف وسرابيت = وسفيه قوم ٍ مايثمن كلامه
ما تلام لا من قمت والا تعديت = عن السفيه الرجل يحفض مقامه
احفظ مقامك عن وجيه الشماميت = ترى عوج دخان مثل الهلامه
لو حط له مجلس ولو زخرف البيت = همه رضى نفسه وضحكت مدامه
مايعرف سلوم العرب لو تحاشيت = وقدرت راع المعرفه والشهامه
والناس فيها رجال وايضى خراتيت = من خلقت الدنيا ليوم القيامه
انصى مجالس راعي العرف والصيت = رجال علم وسلم واله احترمه
تلقى هلا يامرحبا وقول حييت = وحلو النباء حتى بردت سلامه
وفي مجلسه تلقى رجال ٍ اليا ابديت = لسالفه كل ٍ يزيد اهتمامه
حافظ اسلومه قبل لايطلع الزيت = وقدام نور العدل يفرض نظامه
فايز موسى البشري