ياللي بوسط القلب

السلام عليكم ورحمة الله وبركاته اخواني و اخواتي احب
ان اشارككم هذه الابيات لعلها تنال استحسان من يقرأها


سـلام يـامن شاقـني يـوم انا ريـت
يـشبه غصون من الهوا مايلاتي

يـا صاحبـي في غيبتـك ما تسليـت
و ارجـي من الله ذا ينـزل لآيـاتي

انـه يحـقـق لامـر ذا بـه تهقـويـت
ربـن كريمـن ليـس عنـه عنـاتـي

مـن شـان هـذا كـم تعبـت و تلقيـت
لعــل مـقصـودي مـن الله يـاتـي

ياللي بوسط القلب ساكن و حليت
لو كنت ساكن في جبال السراتي

يـا ليـت و انـك بعـد غيبـتك طليـت
عساني افـرح قبل يـاجي مماتـي

لـني مـن التشتيـت يا صـاح مليـت
و في لقـاكــم يـا وليـفـي هنـاتـي

هـذي امانـي مـن سنينـن تـمنيـت
الله يسهلـهــا و يجـعــل ثبـاتــي

بعـد الشقـا نظمـت قـافـي وغـنيـت
هـذي هـواية ثـابـتـه في حيـاتـي

و اخـذت فنجالـن مهيـل تقهويـت
و ارى تباشيـر السعـد بـايـنـاتـي

شـكـرت لله شكـر واجـد و صـليـت
فالبقـع ذا صلـى النبي به مياتـي