الطيب ما يلحق مع الوقت راعيه

الطيب ما يلــحق مـــع الوقت راعيه
الاولــه لــــه مـــن قــديــم مــعــروفه

قول صحيح من أكثر الناس نوحيه
كسب الـــجــمايل غــاية ما تطوفه

وان كــان ودك بـــاي حالٍ تجازيه
عليــك حــمــلٍ مــن جميل معروفه

ودك ولا في يـــديــك شيٍ تسويه
حــــاديك وقـــتٍ يعـلم الله ظروفه

ارفع يــديك بــدعــوةٍ منك تكفيه
وانت بجلوسك دون جهد وكلوفه

في ظـهر غيبٍ ما احدٍ مطلع فيه
الا الـــذي يشــوفــنا ما نشوفه

يســعده حي ولا تــوفاه ينجيه
نــهــار مــا يــومن عذابه وخوفه


اخير مــن مـــالٍ تحــــطه بــايديه
في ظل دنياً مــا علــيها حســوفه

يمكن يروح بشي ما هوب مرضيه
خســــارة مــا هي علــيه مـخـلوفه

شموخ الأصيلة