الحكم لله ثم لخوان نوره؟.............….

الحكم لله ثم لخوان نوره
سطرن عليه يغردون اللواعيب
الله يحفظ الحكم واللي يدوره
بجاه من يعلم عن الجهر و الغيب
قالو ملكنا منوم وقلت ازوره
ازيارة لو عبرالابيات متعيب
يالله عسى محسبه له طهوره
من كل ذنب وكل مايشكي يطيب
مليكنا اللي للوطن درع سوره
حاميه بسياسة وحنكة تجاريب
عداه عيب الحق مايغط نوره
يشهد له القاصين واللي من قريب
قاد السفينة وسط لجة بحوره
بعاوصف/ن من هولها العاقل يشيب
يالله عسى دربه سهولن عبوره
بقوتك ياللي لدعا الداعي تجيب
ندعيك يالله لاتنكد سروره
واحفظ ولي العهد ياعالم الغيب
حكامنا الي بالزوم مخبوره
حنا بذراهم عن سموم اللواهيب
لهم الوفاء من وكل ن ودوره
هذا هو الشعب السعودي ولاريب
يفخر بحكامه ويعلن شعوره
عن حبهم شمس الغلا يوم متغيب