(نصب تذكاري)الشاعر مبارك بن سالم المصلح الحربي(ابن دهيم)

(نصب تذكاري)

لاهزني الشوق اعزف العود واغني
واسري مع هاجس الأشعار بافكاري

واروض القاف من كيفي على فني
وانقش الحاني الشجيه بريشة اوتاري

متذكر اللي بحسن الوصف يزهني
يليق شوفه على كل الانظاري

الناس ترقد وانا سهران ومستني
اخيل نور الصباح في فنا داري

يسقى زمانٍ يجيني الزين متعني
واقضي الليل في وصفه بالاشعاري

إقبال غروٍ حسين ضنه على ضني
ماغيره اللي يطفي في الحشا ناري

يوم إني حوله وهو اقريبٍ مني
عشت السعاده معه في كل الاطواري

يكوي خفوقي لامنه تنهت وني
احس ينهش بحالي ناب من ضاري

ياما سعدت ابلقاه بو كف متحني
حطيت له في فؤادي نصب تذكاري

من يوم صد وجفاني منه منجني
مادري اهو حي او ميت ماني ابداري

ياليت من هو يودي له الخبر عني
ويجيب لي من حبيبي كل الاخباري

يالله عساه ابسعاده دوم ومتهني
ويعل عمره مديد بطول الاعماري

لاضاق صدري اعزف العود واغني
واسج مع هاجس الأشعار بافكاري


الشاعر/مبارك بن سالم المصلح الحربي (ابن دهيم)