ماطاح قدر ولانحنت لي عزيمه / من طاب طاب ومن تردى تردى

ماطاح قدر ولانحت لي عزيمه
من طاب طاب ومن تردى تردى
واللي يدور في رفيقه هزيمه
لايقرب بيوت العرب ويتعدى
الطيب باقي والنوايا سليمه
ومن لاحفظ ممشاه كيف يتبدى
لايحسب فعله جلب له غنيمه
هرجة ردى لايقولها ويتحدى
حنا مطوعة الخصيم وخصيمه
من ظامنا في حقنا ماتغدى
يشوف منا مايكدر صميمه
ونلبسه ثوب العنا ويتقدى
من دون ظلم ولاخبال وظليمه
مانظلمه والا عليه انتمدى
ياحجاب وانته لك معزه وقيمه
عليك مجمول القضيه ايودى
لاصار من تغليه حطك خصيمه
وشلون تشرى خوته ويتفدى
انا عليه اسوق حالي واقيمه
وهو علي اليوم خاب وتردى
لو كانها زلة ضعيف وسقيمه
ماهمني لو تنتشر ووتودى
لكنها من صاحب له حشيمه
خرب ركايزها وراح ايتهدى


عبد العزيز مناور الرويثي الحربي