ياوجد حالي على المليون وإخوانه / اباتبحبح واسدد باقي ديوني

مساكم الله بالخير




ياوجد حالي على المليون واخوانه
اباتبحبح واسدد باقي ديوني
طفشت من طلبت الديان ولسانه
ومن روحةالسوق ودوني وجيبوني
وانا على راتب مايستنع شانه
والقرض الاقشر دمار وطلع عيوني
مالي جدى غير اذمه والعن ازمانه
واقول يلعن زمان الفقر وديوني
ابا انتهض نهضة الوكري بجنحانه
واباتخير مكان يشفي غبوني
من مدته اكثر التجار شبعانه
ورصيد يبني على المليون مليوني
عزالله اني بكب الفقر واحزانه
واجيب لي فله وموتر ومزيوني
واجيب ذود تخالط فيه حيرانه
من زود زينه هل الذيدان يثنوني
وليا نويت السفر والنفس ولهانه
حديتها يم دار تطفي شجوني
اما على لندن وباريس واوطانه
والا على ديرة الطليان تلقوني
الفقر مايترك الرجال في شانه
دايم وهو من دون في دون في دوني
اماغدت الأوضاع حلوه وطربانه
والا على الواقع التعبان خلوني


عبدالعزيز مناور الرويثي الحربي