اما محبه محبه مابها منّه .... والا ترا !

السلام عليكم ورحمه الله

مساء - صباح الخير الجميع

ياحمود قافي خذه في صوتك وغنه=القلب له مدةٍ وهجوسه تلوفه
تلنّه وروحن مني يسوقنه=هذي توقف عليه وهذي تطوفه
يامل قلبٍ من البارح وهو كنه=يحس في شي لا احسه ولا اشوفه
اليا خذا له دقيقه اختلف ظنه=الضيقه اتسارقه اشوي وتحوفه
الوقت كم له وكم له ماضحك سنه=والناس لله كلٍ يشكي ظروفه
وانا مايكشف خفاي ويظهر الونه=ويخرّب اخلاقي ويلحقني احسوفه
الاّ طريقٍ مايوصلني على الجنه=مشوار الاقدام ماهي فيه مخلوفه
والا انت ياللي بقلبك شي وتكنه=هذي يمين الفراق وهذي كفوفه
اما محبه محبه مابها منّه=والا ترا البعد منك اشوف معروفه
العز بعروقنا يمشي بلا اعنّه=مبطي وحنا هله ماحن من ضيوفه
الزم من الواجب واوكد من السنه=ولافيه كلمه نبديها على حروفه
قدامك الكيف ذا هيله وذا بنه=وقدامك اللي ماهي استعراض وبروفه
افكار راسك يشيلنه يحطنه=والنيه اللي ماهي لله مكشوفه
وانا من البارح وقلبي وهو كنه=يحس في شي لا احسه ولا اشوفه

وسلامة الجميع